ബെംഗളൂരു: ബെംഗളൂരുവിൽ അടുത്ത രണ്ടുദിവസം ശക്തമായ മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. കൂടിയതും കുറഞ്ഞതുമായ താപനില യഥാക്രമം 29 ഡിഗ്രി സെൽഷ്യസിനും 20 ഡിഗ്രി സെൽഷ്യസിനും ഇടയിലായിരിക്കും. ഉത്തര കന്നഡ, ഉഡുപ്പി, ദക്ഷിണ കന്നഡ, ബീദർ, കലബുറഗി, യാദ്ഗിർ, റായ്ച്ചൂർ, വിജയപുര, ശിവമോഗ ജില്ലകളിൽ വെള്ളിയാഴ്ച വരെ യെല്ലോ അലർട്ട് പ്രഖ്യാപിച്ചതായി ഐഎംഡി ഉദ്യോഗസ്ഥർ അറിയിച്ചു.
ചൊവ്വാഴ്ച ബെംഗളൂരു നഗരത്തിലും എച്ച്എഎൽ വിമാനത്താവളത്തിലും യഥാക്രമം 3 മില്ലീമീറ്ററും 0.1 മില്ലീമീറ്ററും മഴ രേഖപ്പെടുത്തി. ബെംഗളൂരു അർബൻ, ബെംഗളൂരു റൂറൽ, രാമനഗര, കോലാർ, ചിക്കബെല്ലാപുര, മാണ്ഡ്യ, മൈസൂരു, ചാമരാജനഗർ, കുടക്, തുമകുരു, ഹാസൻ, ചിത്രദുർഗ, ദാവൻഗരെ, ചിക്കമഗളൂരു, ശിവമോഗ എന്നിവിടങ്ങളിൽ ബുധനാഴ്ച സാമാന്യം വ്യാപകമായ മഴയും വ്യാഴാഴ്ച മുതൽ തിങ്കൾ വരെ അതിശക്തമായ മഴയും ലഭിക്കുമെന്ന് ഐഎംഡി പ്രവചിച്ചു.
TAGS: BENGALURU UPDATES| RAIN UPDATES
SUMMARY: Heavy rain predicted in bengaluru for next two days
