ബെംഗളൂരു: ലോറിയും കാറും കൂട്ടിയിടിച്ച് ഡെപ്യൂട്ടി കമ്മീഷണർ ഓഫിസ് ജീവനക്കാരൻ ഉൾപ്പെടെ രണ്ട് പേർ മരിച്ചു. കലബുർഗിയിലെ ജേവർഗി വിജയപുര റോഡിൽ നെലോഗി കമാനിന് സമീപമാണ് അപകടം. യാദ്ഗിർ ഡെപ്യൂട്ടി കമ്മീഷണർ ഓഫീസിലെ ഒന്നാം ഗ്രേഡ് ക്ലർക്ക് ശിവാനന്ദ സ്വാമി (34), സ്വകാര്യ കമ്പ്യൂട്ടർ ഓപ്പറേറ്ററായ ലോകേഷ് ബസവരാജ ഹസ്സൻ (35) എന്നിവരാണ് മരിച്ചത്.
ശനിയാഴ്ച അർദ്ധരാത്രിയോടെയാണ് അപകടമുണ്ടായത്. സംഭവത്തിൽ ലോറി ഡ്രൈവർക്ക് പരുക്കേറ്റിട്ടുണ്ട്. ഇയാളെ സമീപത്തെ ആശുപത്രിയിൽ പ്രവേശിപ്പിച്ചു. ജില്ലാ എ.എസ്.പി ബിന്ദുറാണിയുടെ നേതൃത്വത്തിൽ പോലീസ് ഉദ്യോഗസ്ഥർ സംഭവസ്ഥലത്തെത്തി അന്വേഷണം നടത്തി. സംഭവവുമായി ബന്ധപ്പെട്ട് നെലോഗി പോലീസ് സ്റ്റേഷനിൽ കേസ് രജിസ്റ്റർ ചെയ്തു.
TAGS: KARNATAKA| ACCIDENT
SUMMARY: Two dies in fatal collision of car and lorry
