ബെംഗളൂരു: പോക്സോ കേസിൽ മുൻ മുഖ്യമന്ത്രിയും മുതിർന്ന ബിജെപി നേതാവുമായ ബി. എസ് യെദിയൂരപ്പക്കെതിരെ സിഐഡി കുറ്റപത്രം സമർപ്പിച്ചു. ഈ വർഷം മാർച്ചിലാണ് സദാശിവനഗർ പോലീസ് യെദിയൂരപ്പക്കെതിരെ പോക്സോ കേസ് രജിസ്റ്റർ ചെയ്തത്. പിന്നാലെ കൂടുതൽ അന്വേഷണത്തിനായി സി.ഐ.ഡിക്ക് കേസ് കൈമാറിയിരുന്നു. ഇക്കഴിഞ്ഞ ഫെബ്രുവരി രണ്ടിന് സഹായം ചോദിച്ചെത്തിയപ്പോഴാണ് മകളെ പീഡിപ്പിച്ചതെന്നാണ് 17 കാരിയുടെ അമ്മയുടെ പരാതി.
കേസിൽ യെദിയൂരപ്പയെ അറസ്റ്റ് ചെയ്യാൻ സിഐഡി അനുമതി ആവശ്യപ്പെട്ടിരുന്നെങ്കിലും കോടതി ഇത് തടഞ്ഞിരുന്നു. തുടർന്ന് ജൂൺ 17ന് അന്വേഷണ സംഘത്തിന് മുമ്പാകെ യെദിയൂരപ്പ ചോദ്യം ചെയ്യലിന് ഹാജരായിരുന്നു. കേസിൽ ഫാസ്റ്റ് ട്രാക്ക് കോടതിയിൽ കുറ്റപത്രം സമർപ്പിക്കേണ്ടതിനാൽ യെദിയൂരപ്പക്കെതിരെ പോലീസ് അറസ്റ്റ് വാറന്റ് നേടിയിരുന്നു.
എന്നാൽ രണ്ട് ദിവസം വൈകി യെദിയൂരപ്പ ഹാജരാകുന്നത് കൊണ്ട് സ്വർഗം ഒന്നും ഇടിഞ്ഞു വീഴില്ലല്ലോ എന്ന് ചോദിച്ച കോടതി ജൂൺ 17 വരെ അറസ്റ്റ് പാടില്ലെന്ന് അന്വേഷണ സംഘത്തിന് നിർദേശം നൽകുകയായിരുന്നു.
TAGS: KARNATAKA | BS YEDIYURAPPA
SUMMARY: CID files chargesheet against bs yediyurappa
