വാർത്ത സമ്മേളനത്തിനിടെ കോൺഗ്രസ് പ്രവർത്തകൻ കുഴഞ്ഞുവീണു മരിച്ചു

ബെംഗളൂരു: ബെംഗളൂരുവിൽ വാർത്ത സമ്മേളനത്തിനിടെ കോൺഗ്രസ് പ്രവർത്തകൻ കുഴഞ്ഞുവീണു മരിച്ചു. പി.കെ. രവിചന്ദ്രൻ ആണ് മരിച്ചത്. മുഖ്യമന്ത്രി സിദ്ധരാമയ്യയെ പ്രോസിക്യൂട്ട് ചെയ്യാൻ അനുമതി നൽകിയ ഗവർണറുടെ തീരുമാനത്തിൽ പ്രതിഷേധിച്ചായിരുന്നു വാർത്താസമ്മേളനം നടത്തിയത്. ഇതിനിടെ കുഴഞ്ഞുവീണ അദ്ദേഹം ഉടൻ മരണപ്പെട്ടു. ഹൃദയാഘാതമാണ് മരണകാരണമെന്ന് പോലീസ് പറഞ്ഞു.

സംസ്ഥാന പിന്നാക്ക വിഭാഗ ദലിത് ന്യൂനപക്ഷ സംഘടനയുടെ ആഭിമുഖ്യത്തിലാണ് പ്രസ് ക്ലബിൽ നടന്ന വാർത്താസമ്മേളനം നടത്തിയത്. സംസാരത്തിനിടയിൽ പെട്ടെന്ന് കുഴഞ്ഞുവീണ രവിചന്ദ്രനെ ഉടൻ തന്നെ കണ്ണിംഗ്ഹാം റോഡിലെ ഫോർട്ടിസ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാൻ സാധിച്ചില്ല.

TAGS: KARNATAKA | DEATH
SUMMARY: Congress worker dies of heart attack during press conference in Bengaluru