തിരുവനന്തപുരം: സിനിമാ വിവാദങ്ങള്ക്കിടെ നടനും താരസംഘടന അമ്മയുടെ മുന് പ്രസിഡന്റുമായ മോഹന്ലാല് ഇന്ന് മാധ്യമങ്ങളെ കാണും. തിരുവനന്തപുരത്ത് വെച്ച് വാര്ത്താസമ്മേളനം നടത്തുമെന്നാണ് അറിയിച്ചത്. ഹേമ കമ്മിറ്റിയുമായി ബന്ധപ്പെട്ട വിവാദങ്ങള്ക്കിടെ ആദ്യമായിട്ടാണ് മോഹന്ലാല് മാധ്യമങ്ങള്ക്ക് മുന്നിലെത്തുന്നത്. ഹേമാ കമ്മിറ്റി റിപ്പോര്ട്ട് പുറത്തു വന്നതിന് പിന്നാലെ ‘അമ്മ’സംഘടനയിലെ ഭരണ സിമിതിയിലെ ചില ഭാരവാഹികള് നേരിടേണ്ടി വന്ന ലൈംഗികാരോപണങ്ങളുടെ പശ്ചാത്തലത്തില് മോഹന്ലാല് പ്രസിഡന്റ് സ്ഥാനം രാജിവെച്ചിരുന്നു.
കേരള ക്രിക്കറ്റ് അസോസിയേഷൻ്റെ കെസിഎൽ ലോഞ്ചിംഗിനായി എത്തുന്ന താരം ഉച്ചയ്ക്ക് 12 മണിയോടെ ഹോട്ടൽ ഹയാത്തിൽ വച്ചാവും മാധ്യമങ്ങളെ കാണുക. കേരള ക്രിക്കറ്റ് അസോസിയേഷനാണ് ഈ വിവരം മാധ്യമങ്ങളെ അറിയിച്ചത്.
മോഹന്ലാല് റിപ്പോര്ട്ടിനെക്കുറിച്ച് പ്രതികരിക്കാത്തതിനെതിരേയും വിമര്ശനമുയര്ന്നിരുന്നു. നടിമാര്ക്കുണ്ടായ ദുരനുഭവങ്ങളില് താരസംഘടനയുടെ അംലംഭാവം ചോദ്യം ചെയ്യപ്പെടുകയും അമ്മ അംഗത്വത്തിനടക്കം നടിമാര് വിട്ടുവീഴ്ച ചെയ്യേണ്ടിവരുന്നുണ്ടെന്ന ആരോപണവും ഉയര്ന്നു വന്നു. അമ്മയുടെ നേതൃത്വം മുഴുവന് മാറണമെന്നും സ്ത്രീകള്ക്ക് മേല്ക്കൈയുള്ള ഒരു നേതൃത്വം വരണമെന്ന തരത്തിലും ചര്ച്ചകള് വന്നു. ഈ സാഹചര്യത്തിലായിരുന്നു മോഹന്ലാലിന്റെ നേതൃത്വത്തിലുള്ള ഭരണസമിതിയുടെ കൂട്ട രാജി.
<BR>
TAGS : MOHANLAL | AMMA | JUSTICE HEMA COMMITTEE
SUMMARY : Mohanlal will meet the media today
