രാജ്യത്ത് ഐഎസ്സി – ഐസിഎസ്ഇ സിലബസ് അനുസരിച്ചുള്ള പത്താം ക്ലാസ് പരീക്ഷാ ഫലം പ്രഖ്യാപിച്ചു. രാജ്യത്ത് മുഴുവനായി പരീക്ഷയെഴുതിയവരില് 99.47% വിദ്യാര്ഥികളും പത്താം ക്ലാസില് വിജയിച്ചു. 98.19% ആണ് പന്ത്രണ്ടാം ക്ലാസിലേക്ക് രാജ്യത്തെ വിജയം. കേരളം ഉള്പ്പെടുന്ന തെക്കൻ മേഖലയില് പരീക്ഷയെഴുതിയവരില് 99.95% പേരും പന്ത്രണ്ടാം ക്ലാസില് വിജയിച്ചു.
പത്താം ക്ലാസില് 99.99% വിദ്യാര്ഥികളും പന്ത്രണ്ടാം ക്ലാസില് 99.93% വിദ്യാര്ഥികളും കേരളത്തില് വിജയിച്ചു. സംസ്ഥാനത്ത് ഐസിഎസ്ഇയില് 160 സ്കൂളുകളും ഐഎസ്സിയില് സംസ്ഥാനത്ത് 72 സ്കൂളുകളുമാണ് വിദ്യാര്ഥികളെ പരീക്ഷയ്ക്ക് ഇരുത്തിയത്.
ഐസിഎസ്ഇയില് 7186 വിദ്യാര്ഥികൾ പരീക്ഷയെഴുതി. പരീക്ഷ എഴുതിയവരില് 3512 പേര് ആണ്കുട്ടികളും 3674 പേര് പെണ്കുട്ടികളുമായിരുന്നു. ഐഎസ്സിയില് 2822 വിദ്യാര്ഥികളാണ് എഴുതിയത്. 1371 ആണ്കുട്ടികളും 1451 പേര് പെണ്കുട്ടികളുമായിരുന്നു.
