ജര്മ്മനിയിലെ ബര്ലിനില് നിന്നും കാണാതായ മലയാളി വിദ്യാര്ത്ഥിയെ കുത്തേറ്റ് മരിച്ച നിലയില് കണ്ടെത്തി. ഒക്ടോബര് ഒന്ന് മുതല് ബര്ലിനില് നിന്ന് കാണാതായ ആദം ജോസഫ് കാവുംമുകത്ത് (30) എന്ന വിദ്യാര്ഥിയെയാണ് മരിച്ച നിലയില് കണ്ടെത്തിയത്. മാവേലിക്കര സ്വദേശിയാണ് ആദം.
ബര്ലിന് ആര്ഡേന് യൂണിവേഴ്സിറ്റിയില് സൈബര് സെക്യൂരിറ്റിയില് മാസ്റ്റേഴ്സ് വിദ്യാര്ഥിയായിരുന്നു ആദം. സംഭവവുമായി ബന്ധപ്പെട്ട് 28കാരനെ പോലീസ് കസ്റ്റഡിയില് എടുത്തു. ചോദ്യം ചെയ്യലില് ഇയാള് കുറ്റം സമ്മതിച്ചിട്ടുണ്ട്. വാക്കുതര്ക്കം കൊലയില് കലാശിച്ചുവെന്നാണ് ഇയാള് പോലീസിനോട് വ്യക്തമാക്കിയത്.
ബഹ്റൈനിലാണ് ആദം ജനിച്ചത്. ബര്ലിന്, റെയ്നിക്കെന്ഡോര്ഫിലാണ് താമസിച്ചിരുന്നത്. ഇദ്ദേഹത്തെ കണ്ടെത്താനുള്ള തിരച്ചിലിനിടെയാണ് മരണ വിവരം പുറത്തുവരുന്നത്. സംഭവത്തിന്റെ കൂടുതല് വിവരങ്ങള് ലഭ്യമല്ല. സംഭവത്തില് വിശദമായ അന്വേഷണം നടന്നുവരികയാണെന്ന് പോലീസ് അറിയിച്ചു.
TAGS : GERMANY | MALAYALI STUDENT | DEAD
SUMMARY : Malayali student missing in Germany stabbed to death
