കർണാടക മുൻ മുഖ്യമന്ത്രി എസ്എം കൃഷ്ണ ആശുപത്രിയിൽ

ബെംഗളൂരു: കര്‍ണാടക മുന്‍ മുഖ്യമന്ത്രി എസ്എം കൃഷ്ണയെ ആശുപത്രിയില്‍ പ്രവേശിപ്പിച്ചു. ബെംഗളൂരു ഓള്‍ഡ് എയര്‍പോര്‍ട്ട് റോഡിലെ മണിപ്പാല്‍ ആശുപത്രിയിലാണ് 92 കാരനായ എസ്എം കൃഷ്ണയെ പ്രവേശിപ്പിച്ചത്. ശനിയാഴ്ച രാവിലെ പരിശോധനയ്ക്കായി പ്രവേശിപ്പിച്ച അദ്ദേഹത്തിന്റെ ആരോഗ്യനില തൃപ്തികരമാണെന്നും തിങ്കളാഴ്ച ഡിസ്ചാര്‍ജ് ചെയ്യുമെന്നും ആശുപത്രി അധികൃതര്‍ അറിയിച്ചു.

ഏപ്രിലിൽ ശ്വാസകോശ അണുബാധയെത്തുടർന്ന് എസ്എം കൃഷ്ണയെ  ആശുപത്രിയിൽ ഐസിയുവിൽ പ്രവേശിപ്പിച്ചിരുന്നു, ആരോഗ്യനിലയിൽ നേരിയ പുരോഗതി കണ്ടതിനെ തുടർന്ന് പിന്നീട്  വാർഡിലേക്ക് മാറ്റി. 2009 മുതല്‍ 2012 വരെ മന്‍മോഹന്‍ സിങ്ങിന്റെ നേതൃത്വത്തിലുള്ള യുപിഎ സര്‍ക്കാരിന്റെ കാലത്ത് എസ്എം കൃഷ്ണ വിദേശകാര്യ മന്ത്രിയായിരുന്നു.
<BR>
TAGS : SM KRISHNA
SUMMARY : Former Karnataka Chief Minister SM Krishna hospitalised