ബെംഗളൂരു: കർണാടകയിൽ അനധികൃതമായി താമസിച്ച മൂന്ന് ബംഗ്ലാദേശ് പൗരന്മാർ പിടിയിൽ. അക്മൽ ഹോക്ക്, ഫറൂക്ക് അലി, ജമാൽ അലി എന്നിവരാണ് ഹാസനിൽ വെച്ച് അറസ്റ്റിലായത്. അനധികൃതമായി രാജ്യത്ത് പ്രവേശിച്ച് വ്യാജ ആധാർ കാർഡുമായി നഗരത്തിൽ താമസിച്ചുവരികയായിരുന്നു ഇവർ. നഗരത്തിൽ കരാർ അടിസ്ഥാനത്തിൽ നിർമാണ ജോലികൾ ചെയ്തുവരികയായിരുന്നു മൂവരും.
സംസ്ഥാന പോലീസിന്റെ സ്പെഷ്യൽ ഡ്രൈവിലാണ് ഇവർ പിടിയിലാകുന്നത്. സംസ്ഥാനത്ത് അനധികൃതമായി വിദേശ പൗരന്മാർ താമസിക്കുന്നുണ്ടെന്ന ഇന്റലിജിൻസ് റിപ്പോർട്ടിനെ തുടർന്നാണ് പോലീസ് സ്പെഷ്യൽ ഡ്രൈവ് ആരംഭിച്ചത്. ഇതിന്റെ ഭാഗമായി ഒക്ടോബർ ആദ്യവാരം 12ഓളം പാക് പൗരന്മാർ ബെംഗളൂരുവിൽ പിടിയിലായിരുന്നു.
TAGS: KARNATAKA | ARREST
SUMMARY: Three illegal Bangladeshi immigrants arrested in Hassan
