കൊങ്കണ്‍ വഴി ഓടുന്ന കേരളത്തില്‍ നിന്നുള്ള തീവണ്ടികളുടെ സമയക്രമത്തില്‍ മാറ്റം‌

കണ്ണൂർ: കൊങ്കണ്‍ വഴി ഓടുന്ന കേരളത്തില്‍ നിന്നുള്ള തീവണ്ടികളുടെ സമയക്രമത്തില്‍ മാറ്റം. മംഗള, നേത്രാവതി, മത്സ്യഗന്ധ അടക്കം 25-ലധികം വണ്ടികള്‍ക്ക് പുതിയ സമയമാണ്. മുൻകൂട്ടി റിസർവ് ചെയ്തവർ സമയമാറ്റം ശ്രദ്ധിക്കണം. കേരളത്തിലേക്കുള്ളവ നേരത്തേ എത്തും.

മണ്‍സൂണ്‍ കാലത്ത് 40-75 കിലോ മീറ്ററായി വേഗം കുറച്ച വണ്ടികള്‍ ഇനി 110 കിലോ മീറ്ററിലോടും. എറണാകുളം-നിസാമുദ്ദീൻ മംഗള എക്‌സ്‌പ്രസ് (12617) മൂന്നുമണിക്കൂറോളം വൈകി പുറപ്പെടും. എറണാകുളത്തു നിന്ന് ഉച്ചക്ക് 1.25-ന് പുറപ്പെട്ടു. (നിലവില്‍ രാവിലെ 10.30-ആണ്). ഷൊർണൂരില്‍ വൈകീട്ട് 4.15-നും കണ്ണൂരില്‍ 6.39-നും എത്തും. നിസാമുദ്ദീൻ-എറണാകുളം മംഗള (12618) ഒരുമണിക്കൂർ നേരത്തേ എത്തും. നിലവില്‍ 11.40-ന് മംഗളൂരുവില്‍ എത്തുന്ന വണ്ടി രാത്രി 10.35-ന് മംഗളൂരു വിടും. ഷൊർണൂരില്‍ പുലർച്ചെ 4.15-നും എറണാകുളത്ത് 7.30-നും എത്തും.

TAGS : KERALA | TRAIN
SUMMARY : Change in schedule of trains from Kerala running via Konkan