കുടുംബപ്രശ്നം; സ്വയം വെടിവെച്ച് യുവാവ് ജീവനൊടുക്കി

ബെംഗളൂരു: കുടുംബപ്രശ്നം കാരണം യുവാവ് സ്വയം വെടിവെച്ച് ജീവനൊടുക്കി. സകലേഷ്പുർ ബച്ചിഹള്ളിയിലെ കരുണാകർ (40) ആണ് മരിച്ചത്. കരുണാകരൻ്റെ അമ്മയും ഭാര്യയും തമ്മിൽ നിരന്തരം വഴക്കിടാറുണ്ടായിരുന്നു.

ഭാര്യയുമായുള്ള പ്രശ്നത്തെ തുടർന്ന് അമ്മ വേർപിരിഞ്ഞാണ് താമസിച്ചിരുന്നത്. കാപ്പി കർഷകനായ കരുണാകറിനെ ഇത് വല്ലാതെ ബാധിച്ചിരുന്നു. ഇക്കാരണത്താലാണ് ഇയാൾ ആത്മഹത്യ ചെയ്തതെന്ന് പോലീസ് പറഞ്ഞു. വീട്ടിലെ പ്രശ്‌നങ്ങളിൽ അസ്വസ്ഥനായിരുന്ന കരുണാകർ ഇതിന് മുമ്പും മൂന്ന് വട്ടം ആത്മഹത്യക്ക് ശ്രമിച്ചിട്ടുണ്ട്. സംഭവത്തിൽ യെസ്ലൂർ പോലീസ് കേസെടുത്തു.

TAGS: KARNATAKA | DEATH
SUMMARY: Man shoots himself to death over domestic dispute in Sakleshpur