ബെംഗളൂരു : വൈറ്റ്ഫീൽഡ് സേക്രഡ് ഹാർട്ട് പള്ളിയുടെ സംഘടിപ്പിക്കുന്ന ‘കൊറൽ ക്രെഷെൻഡോ സീസൺ രണ്ട് ’ കരോള് ഗാനമത്സരത്തിന് ഇന്ന് തുടക്കം. വൈകീട്ട് മുതൽ രാത്രി ഒൻപതുവരെ വൈറ്റ്ഫീൽഡ് എക്ക്യൂമെനിക്കൽ ക്രിസ്ത്യൻ സെന്റർ കാംപസിലാണ് മത്സരം
ബെംഗളൂരുവിലെ വിവിധപള്ളികളിൽനിന്ന് തിരഞ്ഞെടുത്തിട്ടുള്ള മികച്ച കരോള് ഗാന സംഘങ്ങൾ വേദിയിൽ മാറ്റുരയ്ക്കും. പ്രശസ്തസംഗീത സംവിധായകൻ ജെറിഅമൽ ദേവ്, പാടും പാതിരി എന്നറിയപ്പെടുന്ന ഫാ. പോൾ പൂവത്തിങ്കൽ, പിന്നണിഗായിക മെറിൻ ഗ്രിഗറി എന്നിവരായിരിക്കും വിധികർത്താക്കൾ. ഒന്നാംസ്ഥാനക്കാർക്ക് 50,000 രൂപയും രണ്ടാം സ്ഥാനക്കാർക്ക് 25,000 രൂപയും, മൂന്നാം സ്ഥാനക്കാർക്ക് 10,000 രൂപയുമായിരിക്കും സമ്മാനം ലഭിക്കുക. പി.സി. മോഹൻ എം.പി., ബെന്നി ബെഹനാൻ എം.പി., മാണ്ഡ്യ ബിഷപ്പ് മാർ സെബാസ്റ്റ്യൻ എടയന്ത്രത്ത്, ബി.ഡി.എ. ചെയർമാനും എം.എൽ.എ.യുമായ എൻ.എ. ഹാരിസ്, മുൻ എം.എൽ.എ.യും എഫ്.എച്ച്.എ.സി. ചെയർമാനുമായ ഐവാൻ നിഗ്ളി എന്നിവർ പങ്കെടുക്കും. ഫുഡ് കോർട്ട്, കിഡ്സ് സോൺ, ക്രിസ്മസ് സ്റ്റാളുകൾ, വിവിധയിനം ബ്രാൻഡുകളുടെ ഔട്ട് ലെറ്റുകൾ എന്നിവ പരിപാടിയുടെ ഭാഗമായി ഒരുക്കിയിട്ടുണ്ട്.
<BR>
TAGS : CHRISTMAS CAROL
