ബെംഗളൂരു: ബാംഗ്ലൂര് കേരള സമാജം കൊത്തന്നൂര് യൂണിറ്റ് ക്രിസ്മസ് പുതുവത്സരാഘോഷം സംഘടിപ്പിച്ചു. കൊത്തന്നൂര് ബൈരതി സെന്റ് മേരിസ് സ്കൂള് ഗ്രൗണ്ടില് നടന്ന ആഘോഷങ്ങള് മുന് മന്ത്രി ബൈരതി ബസവരാജ് ഉദ്ഘാടനം ചെയ്തു. കേരളസമാജം കൊത്തന്നൂര് യൂണിറ്റ് കണ്വീനര് ജെയ്സണ് ലൂക്കോസ് അധ്യക്ഷത വഹിച്ചു.
കേരളസമാജം പ്രസിഡന്റ് സി പി രാധാകൃഷ്ണന് മുഖ്യപ്രഭാഷണം നടത്തി. ജനറല് സെക്രട്ടറി റജികുമാര് ക്രിസ്മസ് പുതുവത്സര സന്ദേശം നല്കി.കെഎന്ഇ ട്രസ്റ്റ് സെക്രട്ടറി ജെയ്ജോ ജോസഫ്, ഈസ്റ്റ് സോണ് ചെയര്മാന് വിനു ജി, കണ്വീനര് രാജീവ്, ഫിറോസ് ഖാന്, കൊത്തന്നൂര് യൂണിറ്റ് ഭാരവാഹികളായ കെ വി രാജേഷ്, ഷിനോജ് ജോസഫ്, സിന്റോ പി സിംലസ്, സിജി കുര്യാക്കോസ്, സുഭാഷ് തുടങ്ങിയവര് സംബന്ധിച്ചു.
വടംവലി മത്സരത്തില് കൊത്തന്നൂര് യൂണിറ്റ് വിജയികളായി. കലാപരിപാടികള്, മജിഷ്യന് ജീസന് അവതരിപ്പിച്ച മാജിക് ഷോ, സെവന് രാഗാസ് അവതരിപ്പിച്ച ഗാനമേള എന്നിവ നടന്നു.
<BR>
TAGS : KERALA SAMAJAM | X-MAS-NEW YEAR CELEBRATIONS
