ബെംഗളൂരു: ബെംഗളൂരുവിൽ കാണാതായ ഏഴ് വയസുകാരന്റെ മൃതദേഹം കുളത്തിൽ കണ്ടെത്തി. സർജാപുരയിൽ താമസിക്കുന്ന എൽവിന്റെ മൃതദേഹമാണ് കണ്ടെത്തിയത്. വ്യാഴാഴ്ചയാണ് എൽവിനെ വീട്ടുമുറ്റത്ത് നിന്ന് കാണാതായത്. ഉടൻ തന്നെ രക്ഷിതാക്കൾ പോലീസിൽ പരാതി നൽകിയിരുന്നു.
തുടർന്നുള്ള അന്വേഷണത്തിൽ പ്രദേശത്തെ കുളത്തിന് സമീപം എൽവിന്റെ സൈക്കിളും ചെരിപ്പും കണ്ടെത്തി. പിന്നീട് കുളത്തിൽ നടത്തിയ പരിശോധനയിൽ എൽവിന്റെ മൃതദേഹവും കണ്ടെത്തുകയായിരുന്നു. എൽവിൻ മാതാപിതാക്കൾ അറിയാതെ സൈക്കിളിൽ കുളത്തിന് സമീപത്തേക്ക് പോയതാകാമെന്ന് പോലീസ് പറഞ്ഞു. പോസ്റ്റ്മോർട്ടം റിപ്പോർട്ട് ലഭിച്ചാലെ മറ്റ് കാര്യങ്ങൾ വ്യക്തമാകുവെന്നും, സംഭവത്തിൽ കേസെടുത്തതായും പോലീസ് പറഞ്ഞു.
TAGS: BENGALURU | DEATH
SUMMARY: Missing seven year old boy found dead inside pond
