ന്യൂഡൽഹി: ഡല്ഹി നിയമസഭാ തിരഞ്ഞെടുപ്പ് പ്രചരണത്തിനിടെ എഎപി കണ്വീനര് അരവിന്ദ് കേജ്രിവാളിന് നേരെ ആക്രമണം ഉണ്ടായെന്ന് ആരോപണവുമായി ആം ആദ്മി പാർട്ടി (എഎപി). വാഹനത്തിനു നേരെ കല്ലേറുണ്ടായി. ആക്രമണത്തിന് പിന്നില് ബിജെപിയാണെന്നും എഎപി ആരോപിച്ചു.
ന്യൂഡല്ഹി മണ്ഡലത്തിലെ പ്രചരണം കഴിഞ്ഞ് ആം ആദ്മി പാര്ട്ടി കണ്വീനര് അരവിന്ദ് കേജ്രിവാള് മടങ്ങുന്നതിനിടെയാണ് സംഭവം. വാഹനത്തിന് നേരെ കല്ലേറുണ്ടായെന്നും കേജ്രിവാളിനെ ആക്രമിക്കാന് ശ്രമിച്ചു എന്നുമാണ് ആം ആദ്മിയുടെ ആരോപണം.
മണ്ഡലത്തിലെ ബിജെപി സ്ഥാനാര്ഥി പര്വേഷ് വര്മമയുടെ അനുയായികളാണ് ആക്രമണത്തിന് പിന്നിലെന്നും പാർട്ടി നേതാക്കൾ ആരോപിച്ചു. ഇത്തരം ആക്രമണങ്ങളിലൂടെ അരവിന്ദ് കേജ്രിവാളിനെ ഭയപ്പെടുത്താന് കഴിയില്ലെന്നും തിരഞ്ഞെടുപ്പില് ജനങ്ങള് ഇതിനു മറുപടി നല്കുമെന്നും നേതാക്കൾ പ്രതികരിച്ചു.
TAGS: NATIONAL | ATTACK
SUMMARY: AAP claims attacks on aravind kejriwal by BJP
