ബെംഗളൂരു : കർണാടക നായർ സർവീസ് സൊസൈറ്റി യെലഹങ്ക കരയോഗം വാർഷിക കുടുംബ സംഗമം ഇന്ന് ഉച്ചയ്ക്ക് 2 മണി മുതല് യെലഹങ്ക ന്യൂ ടൗണിലുള്ള ഡോ. ബി ആർ അംബേദ്കർ ഭവനിൽ നടക്കും.
അംഗങ്ങളുടെ കലാപരിപാടികൾ, മെറിറ്റ് അവാർഡ് വിതരണം, മുതിർന്ന അംഗങ്ങളെ ആദരിക്കൽ , കണ്ണൂർ നിന്നുള്ള ആമോദ നർത്തകി സംഘത്തിന്റെ നൃത്ത നാടകം “മാക്കം”, അർജുൻ നായർ അവതരിപ്പിക്കുന്ന വയലിൻ കച്ചേരി എന്നിവ ഉണ്ടായിരിക്കുന്നതാണ്.
കരയോഗം പ്രസിഡന്റ് ഗോപിദാസിന്റെ അധ്യക്ഷതയിൽ ചേരുന്ന സാംസ്കാരിക സമ്മേളനത്തിൽ യെലഹങ്ക എംഎൽഎ എസ് ആർ വിശ്വനാഥ് മുഖ്യാതിഥി ആയിരിക്കും. ചെയർമാൻ ആർ മനോഹര കുറുപ്പ്, ജന സെക്രട്ടറി ടി വി നാരായണൻ, ഖജാൻജി എൻ വിജയ് കുമാർ, രക്ഷാധികാരി എം ആർ രാധാകൃഷ്ണൻ, മുൻ ചെയർമാൻ രാമചന്ദ്രൻ പാലേരി എന്നിവർ പങ്കെടുക്കുമെന്ന് സെക്രട്ടറി പി സുന്ദരേശൻ അറിയിച്ചു . ഫോൺ : 9972955412
<br>
TAGS : KNSS
