യുവതിയുടെ നഗ്നചിത്രം പകര്ത്തി പീഡിപ്പിക്കുകയും സുഹൃത്തുക്കളുമൊത്ത് കൂട്ടബലാത്സംഘം ചെയ്യുകയും ചെയ്ത യുവാവ് അറസ്റ്റില്. കരുനാഗപ്പള്ളി ആദിനാട്, മരങ്ങാട്ട് മുക്ക്, സായികൃപയില് ഷാല്കൃഷ്ണന് (38) ആണ് കരുനാഗപ്പള്ളി പോലീസിന്റെ പിടിയിലായത്.
നിര്ധനയായ യുവതിയുടെ നഗ്ന ദൃശ്യങ്ങള് പകര്ത്തുകയും ഈ ദൃശ്യങ്ങള് പ്രചരിപ്പിക്കുമെന്ന് ഭീഷണിപ്പെടുത്തി ലൈംഗിക പീഡനം നടത്തുകയായിരുന്നു പ്രതിയെന്ന് പോലീസ് പറഞ്ഞു. തുടര്ന്ന് പ്രതിയുടെ സുഹൃത്തുക്കളായ കേസിലെ രണ്ടു പ്രതികളുമായി രാത്രിയില് യുവതിയുടെ വീട്ടില് അതിക്രമിച്ച് കടന്ന് മൂവരും ചേര്ന്ന് മര്ദ്ദിക്കുകയും കൂട്ടബലാത്സംഘം നടത്തുകയായിരുന്നു എന്നുമാണ് മൊഴി.
ഷാല് കൃഷ്ണ വധശ്രമം അടക്കമുള്ള കേസുകളില് പ്രതിയാണ്. രണ്ടും മൂന്നും പ്രതികള് വധശ്രമം, വഞ്ചന, കവർച്ച, നർക്കോട്ടിക്ക്, അബ്കാരി കേസുകളില് പ്രതികളാണ്. ഒളിവില് പോയ രണ്ടും മൂന്നും പ്രതികളെ ഉടൻ പിടികൂടുമെന്ന് കരുനാഗപ്പള്ളി പോലീസ് അറിയിച്ചു. കോടതിയില് ഹാജരാക്കി റിമാൻഡ് ചെയ്തു.
