ബെംഗളൂരു: ഇന്ത്യന് ക്രിക്കറ്റ് ടീമിന്റെ മുന് ക്യാപ്റ്റനും പരിശീലകനുമായിരുന്ന രാഹുല് ദ്രാവിഡിന്റെ കാറിനു പിന്നില് ഓട്ടോയിടിച്ച് അപകടം. ബെംഗളൂരുവിൽ കഴിഞ്ഞ ദിവസമാണ് അപകടമുണ്ടായത്. ദ്രാവിഡിന്റെ കാര് ഗുഡ്സ് ഓട്ടോയുമായാണ് ഇടിച്ചത്. സംഭവത്തെ തുടര്ന്ന് ദ്രാവിഡും ഓട്ടോ ഡ്രൈവറും റോഡില് വെച്ച് വാക്കുതര്ക്കത്തില് ഏര്പ്പെടുന്നതിന്റെ ദൃശ്യങ്ങള് പുറത്തുവന്നിട്ടുണ്ട്.
കണ്ണിങ്ഹാം റോഡില് വെച്ചാണ് അപകടമുണ്ടായത്. ഇന്ത്യന് എക്സ്പ്രസ് ജങ്ഷനില് നിന്ന് ഹൈ ഗ്രൗണ്ട്സിലേക്ക് യാത്ര ചെയ്യുകയായിരുന്ന ദ്രാവിഡിന്റെ കാര് ഗതാഗതക്കുരുക്കില് കുടുങ്ങുകയായിരുന്നു. ഇതിനിടെ ഓട്ടോ വന്ന് ദ്രാവിഡ് സഞ്ചരിച്ച എസ്യുവിയുടെ പിറകില് ഇടിക്കുകയായിരുന്നു. പിന്നാലെ ദ്രാവിഡ് ഓട്ടോ ഡ്രൈവറോട് തര്ക്കിക്കുകയായിരുന്നു. സംഭവത്തില് ആര്ക്കും പരുക്കേറ്റിട്ടില്ല.
In #Bengaluru: A video of former India cricket captain and coach Rahul Dravid getting into an argument with an autodriver on Cunningham Road after a minor collision surfaced on Tuesday evening. No one was injured. pic.twitter.com/0tAtoqQk96
— TOI Bengaluru (@TOIBengaluru) February 4, 2025
TAGS: BENGALURU | ACCIDENT
SUMMARY: Former Indian cricketer Rahul Dravids car met with accident
