ബെംഗളൂരു: ബെംഗളൂരുവില് വാഹനാപകടത്തിൽ പരുക്കേറ്റ് ചികിത്സയിലായിരുന്ന മലയാളി യുവാവ് മരിച്ചു. പാക്കിൽ പാലത്തിങ്കൽ തോപ്പിൽ സലിയുടെ മകൻ സഞ്ജു (23) ആണ് മരിച്ചത്. ഫെബ്രുവരി 10 ന് രാത്രി 8മണിക്ക് മഡിവാളയിൽ വെച്ചാണ് അപകടമുണ്ടായത്.
ബെംഗളൂരുവിൽ ഇലക്ട്രോണിക്സ് ആൻറ് ഇലക്ട്രിക്കൽ കോഴ്സ് പഠനശേഷം ട്രെയിനിംഗിലായിരുന്നു സഞ്ജു. ഹൊസൂരിൽ ഒരു അഭിമുഖത്തിന് പോയി മടങ്ങുന്നതിനിടെയാണ് അപകടം. സഞ്ജുവും സുഹൃത്ത് ആദിലും സഞ്ചരിച്ച ബൈക്ക് ഓട്ടോയിൽ തട്ടാതിരിക്കാനായി വെട്ടിച്ചപ്പോൾ എതിരെ വന്ന ബസിൽ ഇടിക്കുകയായിരുന്നു. ആദിൽ സംഭവസ്ഥലത്തുവെച്ചു തന്നെ മരണപ്പെട്ടു. ഗുരുതരമായി പരുക്കേറ്റ സഞ്ജു ബെംഗളൂരുവില് ചികിത്സയിലായിരുന്നു.
സംസ്കാരം ഇന്ന് വൈകിട്ട് 3 ന് വീട്ടുവളപ്പിൽ നടക്കും. മാതാവ്: പരേതയായ മഞ്ജു. സച്ചു ഏക സഹോദരനാണ്.
<BR>
TAGS : BIKE ACCIDENT
SUMMARY : Bike accident in Bengaluru; A Malayali youth who was being treated for injuries died
