ബെംഗളൂരു: കർണാടകയിൽ പാസ്പോർട്ട് അപേക്ഷകൾ വീട്ടിലെത്തി സ്വീകരിക്കുന്ന പദ്ധതിക്ക് തുടക്കമായി. പാസ്പോർട്ട് മൊബൈൽ സേവ വാൻ ആണ് അപേക്ഷകൻ്റെ വീടുകളിലെത്തി അപേക്ഷകൾ സ്വീകരിക്കുന്നത്. പാസ്പോർട്ടിനുള്ള പുതിയ അപേക്ഷകൾ, കാലാവധി കഴിഞ്ഞവ പുതുക്കൽ എന്നിവയ്ക്കുള്ള അക്ഷേകളാണ് സേവാ വാനിൽ സ്വീകരിക്കുകയെന്ന് ബെംഗളൂരു മേഖല പാസ്പോർട്ട് ഓഫീസർ കെ കൃഷ്ണ അറിയിച്ചു. വാനിലെ ജീവനക്കാർ അപേക്ഷാ ഫോമുകൾ ശേഖരിക്കുകയും അപേക്ഷകന്റെ ഫോട്ടോയും ബയോമെട്രിക്സും പകർത്തുകയും അപേക്ഷ പരിശോധിക്കുകയും ചെയ്യും. പാസ്പോർട്ട് നടപടിക്രമങ്ങള് പൂര്ത്തിയായാല് അപേക്ഷകന്റെ വസതിയിൽ എത്തും, പാസ്പോർട്ട് ഓഫീസ് സന്ദർശിക്കേണ്ട ആവശ്യമില്ല, കൃഷ്ണ പറഞ്ഞു.
ആദ്യഘട്ടത്തിൽ പാസ്പോർട്ട് സേവാ കേന്ദ്രങ്ങളില്ലാത്ത ഗ്രാമങ്ങളിലായിരിക്കും സേവാ വാൻ ലഭ്യമാക്കുയെന്നും അദ്ദേഹം പറഞ്ഞു. ഒരു ദിവസം പരമാവധി 40 അപേക്ഷകൾ വരെ സ്വീകരിക്കും. തുമക്കൂരു, ചിക്കമഗളൂരു, വടക്കൻ കർണാടക ജില്ലകളിലെ ഉള്പ്രദേശങ്ങളില് സേവാ വാൻ സേവനം ഉടൻ ആരംഭിക്കും.
അതേസമയം തത്കാൽ പാസ്പോർട്ട്, പോലീസ് ക്ലിയറൻസ് സർട്ടിഫിക്കറ്റ് എന്നിവയ്ക്ക് പാസ്പോർട്ട് സേവാ കേന്ദ്രങ്ങളെ തന്നെ സമീപിക്കണം.
<BR>
TAGS : PASSPORT
SUMMARY : Mobile Seva Van; Passport applications will now be collected at home
