കോഴിക്കോട്: താമരശ്ശേരി ഷഹബാസ് വധക്കേസിലെ ആരോപണ വിധേയരായ കുട്ടികള്ക്ക് ജാമ്യമില്ല. കോഴിക്കോട് ജില്ലാ സെഷൻസ് കോടതിയാണ് ജാമ്യം നിഷേധിച്ചത്. ജുവനൈല് ജസ്റ്റിസ് ബോർഡും നേരത്തെ ജാമ്യം തള്ളിയിരുന്നു. ആറ് വിദ്യാർഥികളാണ് കേസില് കുറ്റാരോപിതരായിട്ടുള്ളത്.
കോഴിക്കോട് വെള്ളിമാടുക്കുന്നിലെ ജുവനൈല് ഹോമിലാണ് വിദ്യാർഥികളുളളത്. പ്രതികളെല്ലാവരും പ്രായപൂർത്തിയാകത്തവരാണ്. ജാമ്യാപേക്ഷയിലെ വാദം കഴിഞ്ഞ ദിവസം പൂർത്തിയാക്കിയിരുന്നു. കുട്ടികളുടെ പ്രായം പരിഗണിക്കണമെന്നും അവധിക്കാലമായതിനാല് മാതാപിതാക്കള്ക്കൊപ്പം ഇവരെ ജാമ്യം നല്കി വിട്ടയക്കണമെന്നുമായിരുന്നു പ്രതിഭാഗത്തിന്റെ വാദം.
പ്രതികള്ക്ക് പ്രായപൂർത്തിയാകാത്ത കാര്യം കേസില് പരിഗണിക്കരുത്, ആസൂത്രണത്തിലൂടെയാണ് കൊലപാതകം നടത്തിയത്. പ്രതികളുടെ സാമൂഹ്യ മാധ്യമത്തിലെ ചാറ്റുകള് ഇതിന് തെളിവാണെന്നും പ്രോസിക്യുഷൻ കോടതിയില് വാദിച്ചു. ഈ വാദങ്ങള് അംഗീകരിച്ചുകൊണ്ടായിരുന്നു കോടതിയുടെ വിധി.
TAGS : SHAHABAS MURDER
SUMMARY : Shahbaz murder case; No bail for six accused students
