ബെംഗളൂരു: ബെംഗളൂരുവിൽ ചൊവ്വാഴ്ച കനത്ത മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. മഴയോടൊപ്പം ഇടിമിന്നലും ഉണ്ടാകാൻ സാധ്യത ഉണ്ട്. മുൻ വർഷങ്ങളെ അപേക്ഷിച്ച് ഈ വർഷം കൂടുതൽ വേനൽ മഴ ലഭിച്ചേക്കുമെന്ന് ഐഎംഡി അറിയിച്ചു. നിലവിൽ വർധിച്ചു വരുന്ന താപനിലയ്ക്ക് ഇത് ആശ്വാസമാകും.
ബെംഗളൂരുവിൽ ശനിയാഴ്ച 33.8 ഡിഗ്രി സെൽഷ്യസ് ആയിരുന്നു താപനില രേഖപ്പെടുത്തിയത്. ഇത് കഴിഞ്ഞ ആഴ്ചയിലെ ഏറ്റവും ഉയർന്ന കണക്കാണ്. ഏറ്റവും കുറഞ്ഞ താപനില 23.9 ഡിഗ്രി സെൽഷ്യസ് ആണ്.
ഏപ്രിൽ 27 മുതൽ നഗരത്തിൽ ആകാശം ഭാഗികമായി മേഘാവൃതമായിരിന്നു. നിരവധിയിടങ്ങളിൽ ഒറ്റപ്പെട്ട ശക്തമായ മഴ രേഖപ്പെടുത്തി. വരും ദിവസങ്ങളിൽ കുറഞ്ഞ താപനില 21-23 ഡിഗ്രി സെൽഷ്യസായിരിക്കുമെന്നും, പകൽ സമയത്ത് ഉയർന്ന താപനില 33-34 ഡിഗ്രി സെൽഷ്യസിനടുത്ത് തുടരുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
TAGS: BENGALURU | RAIN
SUMMARY: Bengaluru to recieve heavy rainfall tomorrow
