കാറില് സ്വിമ്മിങ് പൂള് ഒരുക്കിയ യൂട്യൂബർ സഞ്ജു ടെക്കിക്കെതിരെ കർശന നടപടിക്കൊരുങ്ങി മോട്ടോർ വാഹന വകുപ്പ്. യൂട്യൂബിൻ്റെ മുൻ വിഡിയോകള് പരിശോധിച്ച് വാഹനവുമായി ബന്ധപ്പെട്ട ഇത്തരം വിഡിയോകളുണ്ടെങ്കില് കർശന നടപടിയെടുക്കുമെന്ന് ഗതാഗതമന്ത്രി കെ.ബി. ഗണേഷ് കുമാർ പറഞ്ഞു.
ഇനി ഇത്തരം പരിപാടികളുമായി റീച്ച് കൂട്ടാന് വരാത്തവിധത്തിലുള്ള നടപടികള് സ്വീകരിക്കും. പണമുള്ളവന് കാറില് സ്വിമ്മിങ് പൂള് നിർമിച്ചല്ല നീന്തേണ്ടത്. പണമുണ്ടെങ്കില് വീട്ടില് സ്വിമ്മിങ് പൂള് പണിയണം. ഭ്രാന്തന്മാര് സമനില തെറ്റി കാണിക്കുന്ന പണികള് റീച്ച് ഉണ്ടാക്കിക്കൊടുക്കരുത്. മോട്ടോര് വാഹന വകുപ്പിനെതിരെയുള്ള വെല്ലുവിളി വേണ്ട. പഴയ കാലമല്ലെന്നും ഗണേഷ് കുമാര് മുന്നറിയിപ്പ് നല്കി.
വീഡിയോ റീച് കൂട്ടം വേണ്ടി ടാറ്റ സഫാരി കാറിന്റെ നടുവിലെ സീറ്റ് അഴിച്ചുമാറ്റി കുളമൊരുക്കി യാത്ര ചെയ്തതാണ് സഞ്ജുവിനെ വെട്ടിലാക്കിയത്. സഞ്ജുവിനും കൂട്ടുകാരൻ സൂര്യനാരായണനും എതിരെയാണ് നടപടികള്. കാര് പിടിച്ചെടുത്ത് രജിസ്ട്രേഷന് റദ്ദാക്കുകയും എം വി ഡി കേസെടുക്കുകയും ചെയ്തു.
