വയനാട്: പുൽപ്പള്ളിയിൽ യുവാവിനെ കുത്തിക്കൊന്നു. പുൽപ്പള്ളി ഗാന്ധിനഗറിലെ റിയാസ് (24) ആണ് കൊല്ലപ്പെട്ടത്. കൊല്ലപ്പെട്ട റിയാസ് ഗുണ്ടാലിസ്റ്റിൽ ഉൾപ്പെട്ടയാളാണ്. രഞ്ജിത്ത്, അഖിൽ എന്നിവരാണ് പ്രതികൾ. ഇരുവരും ഒളിവിലെന്ന് പോലീസ് അറിയിച്ചു.
ബുധനാഴ്ച രാത്രി പുൽപ്പള്ളിയിലെ ബിവറേജസ് ഔട്ട്ലെറ്റിന് പുറത്ത് വച്ച് സുഹൃത്തുക്കളുമായുണ്ടായ തർക്കത്തിനിടെയാണ് റിയാസിന് കുത്തേറ്റത്. മീനംകൊല്ലി സ്വദേശികളാണ് റിയാസിനൊപ്പമുണ്ടായിരുന്നത്. ശരീരത്തിൽ നിരവധി തവണ കുത്തേറ്റ റിയാസ് ഗുരുതരാവസ്ഥയിലായിരുന്നു. റിയാസിനെ ആദ്യം ബത്തേരിയിലെ സ്വകാര്യ ആശുപത്രിയിലെത്തിച്ചെങ്കിലും പരുക്ക് ഗുരുതരമായതിനാൽ വിദഗ്ധചികിത്സയ്ക്കായി കോഴിക്കോട് മെഡിക്കൽ കോളജ് ആശുപത്രിയിലേക്കു കൊണ്ടുപോയി. രാത്രിയോടെ മരിക്കുകയായിരുന്നു. സംഭവത്തിൽ പോലീസ് പ്രതികൾക്കായി തിരച്ചിൽ ആരംഭിച്ചിട്ടുണ്ട്.
<br>
TAGS : STABBED | DEATH | WAYANAD
SUMMARY: A young man was stabbed to death in Pulpalli, Wayanad
