ബെംഗളൂരു : ഹുബ്ബള്ളിയിൽ പേപ്പട്ടിയുടെ ആക്രമണത്തില് മുപ്പതിലധികം പേര്ക്ക് പരുക്കേറ്റു. തിങ്കളാഴ്ച വൈകീട്ട് ഗോകുല റോഡ് അക്ഷയ് പാർക്കിന് സമീപത്താണ് സംഭവം. ഗുരുതരമായി പരുക്കേറ്റ 16 പേരെ ഹുബ്ബള്ളി കിംസ് ആശുപത്രിയിൽ പ്രവേശിപ്പിച്ചു.
വോളിബോൾ കളിച്ചുകൊണ്ടിരുന്നവരെയാണ് നായ ആദ്യം ആക്രമിച്ചത്. തുടര്ന്ന് കാൽനടയാത്രക്കാരെ ആക്രമിക്കുകയായിരുന്നു. വിദ്യാർഥികള്, ഫാക്ടറി ജീവനക്കാര്, കൂലി തൊഴിലാളികള് ഉള്പ്പെടെ ആക്രമണത്തിനിരയായതായി പോലീസ് പറഞ്ഞു. തിരക്കേറിയ ഗോകുല റോഡിലെത്തിയ നായ കണ്ണിൽക്കണ്ടവരെയെല്ലാം കടിക്കുകയായിരുന്നു.സംഭവത്തില് ഹുബ്ബള്ളി-ധാർവാഡ് കോർപ്പറേഷന് അധികൃതര്ക്കെതിരെ പ്രതിഷേധവുമായി പ്രദേശവാസികൾ രംഗത്തെത്തി. രാത്രിയോടെ കോർപ്പറേഷൻ ജീവനക്കാർ നായയെ പിടികൂടി.
<BR>
TAGS : STRAY DOG ATTACK | HUBBALLI
