ബെംഗളൂരു: സൈനികനെ ദുരൂഹസാഹചര്യത്തിൽ മരിച്ച നിലയിൽ കണ്ടെത്തി. ബെളഗാവി കിറ്റൂർ താലൂക്കിലെ ദേഗവൻ ഗ്രാമത്തിൽ നിന്നുള്ള നരേഷ് യെല്ലപ്പയെയാണ് (28) തടാകത്തിൽ മരിച്ച നിലയിൽ കണ്ടത്.
ശനിയാഴ്ച വൈകുന്നേരം ഗ്രാമത്തിലെ തടാകത്തിൽ ജീർണിച്ച അവസ്ഥയിലാണ് കണ്ടെത്തിയത്. ആത്മഹത്യയാണെന്നാണ് പോലീസിന്റെ പ്രാഥമിക നിഗമനം.
കഴിഞ്ഞ അഞ്ച് വർഷമായി ഇന്ത്യൻ ആർമിയിൽ സേവനമനുഷ്ഠിച്ചിരുന്ന നരേഷ് 20 ദിവസം മുമ്പാണ് അവധിയെടുത്ത് ഗ്രാമത്തിൽ എത്തിയത്. നവംബർ 25ന് വീണ്ടും ഡ്യൂട്ടിയിൽ ഹാജരാകേണ്ടിയിരുന്നതായിരുന്നു. സംഭവത്തിൽ ബെളഗാവി പോലീസ് കേസെടുത്തു.
TAGS: KARNATAKA | DEATH
SUMMARY: Soldier found dead inside lake, suspicion by police
