ബെംഗളൂരു: സംസ്ഥാനത്ത് ബിയർ വിലയിൽ 10 മുതൽ 50 രൂപ വരെ വർധിപ്പിക്കാനൊരുങ്ങി സംസ്ഥാന സർക്കാർ. ബ്രാൻഡ് അനുസരിച്ചാണ് വർധന ഉണ്ടാകുക. ജനുവരി 20ന് പുതിയ നിരക്ക് പ്രാബല്യത്തിൽ വരുമെന്നാണ് വിവരം. ഇത് സംബന്ധിച്ച് 2024 ഓഗസ്റ്റിൽ കരട് വിജ്ഞാപനം സർക്കാർ പുറത്തിറക്കിയിരുന്നു.
സംസ്ഥാനത്ത് ഇന്ത്യൻ നിർമിത മദ്യങ്ങൾക്ക് 25 ശതമാനം വരെ വിലക്കുറവ് വരുത്തിയതിന് പിന്നാലെയാണ് സർക്കാരിൻ്റെ പുതിയ നടപടി. കർണാടകയിൽ കഴിഞ്ഞ രണ്ടു വർഷമായി ബിയർ വിൽപനയിൽ വർധന രേഖപ്പെടുത്തിയിരുന്നു. 2024 ഏപ്രിൽ മുതൽ നവംബർ വരെയുള്ള കണക്കുകൾ പ്രകാരം, സംസ്ഥാനത്ത് ഇന്ത്യൻ നിർമിത മദ്യ വിൽപനയിൽ 0.6 ശതമാനം ഇടിവ് ഉണ്ടായപ്പോൾ ബിയർ വിൽപനയിൽ 10.9 ശതമാനം വർധനവ് രേഖപ്പെടുത്തിയിരുന്നു.
TAGS: KARNATAKA | PRICE HIKE
SUMMARY: Beer rates in Karnataka to rise by rs 50
