ബെംഗളൂരു: പതിനാറാമത് ബെംഗളൂരു രാജ്യാന്തര ചലച്ചിത്രോത്സവത്തിൽ ഇന്ന് എം.ടിയുടെ നിർമാല്യവും ജി. അരവിന്ദൻ്റെ കുമ്മാട്ടിയും പ്രദർശിപ്പിക്കും. രാജാജി നഗറിർ ഒറിയോൺ മാൾ സ്ക്രീൻ ഒന്നിൽ വൈകിട്ട് 7 നാണ് നിർമാല്യത്തിൻ്റെ പ്രദർശനം. സ്ക്രീൻ 11 ൽ വൈകിട്ട് 7 നാണ് കുമ്മാട്ടി പ്രദർശിപ്പിക്കുന്നത്. മേളയില് നിർമാല്യത്തിൻ്റെ രണ്ടാം പ്രദര്ശനമാണ് ഇന്ന്. വിദേശ ചിത്രങ്ങളടക്കം വിവിധ വിഭാഗങ്ങളിലായി 55 ചിത്രങ്ങൾ ആണ് ഇന്ന് പ്രദർശിപ്പിക്കുന്നത്.
മേളയിൽ ഇന്നലെ മലയാള ചിത്രം ലെവൽ ക്രോസ് പ്രദർശിപ്പിച്ചു. ലെവൽ ക്രോസിന്റെ സംവിധായകൻ അർഫാസ് അയൂബ് പ്രദർശനത്തിന് മുമ്പ് പ്രേക്ഷകരുമായി സംവദിച്ചു. മേളയുടെ ഭാഗമായി നടന്ന സംവാദത്തിൽ സംവിധായകനും നടനുമായ ഗൗതം വാസുദേവ മേനോൻ പങ്കെടുത്തു.
മേളയിൽ പങ്കെടുക്കുന്നവർക്കായി പ്രതിദിന പാസുകൾ ഏർപ്പെടുത്തിയിട്ടുണ്ട്. 200 രൂപയാണ് നിരക്ക്.
<BR>
TAGS : BIFFES-2025
SUMMARY : Bengaluru International Film Festival; Nirmalya and Kummatty to be screened today
