ബെംഗളൂരുവിൽ ഈ വർഷത്തെ ഏറ്റവും കൂടിയ താപനില രേഖപ്പെടുത്തി

ബെംഗളൂരു: ബെംഗളൂരുവിൽ ഈ വർഷത്തെ ഏറ്റവും കൂടിയ താപനില രേഖപ്പെടുത്തി. മാർച്ച്‌ 14ന് നഗരത്തിൽ 35 ഡിഗ്രി സെൽഷ്യസ് ചൂട് ആണ് രേഖപ്പെടുത്തിയത്. ബെംഗളൂരു സിറ്റിയിൽ 35.4 ഡിഗ്രി സെൽഷ്യസ് രേഖപ്പെടുത്തിയപ്പോൾ എച്ച്.എ.എൽ വിമാനത്താവളത്തിൽ 35.6 ഡിഗ്രി സെൽഷ്യസും കെംപെഗൗഡ അന്താരാഷ്ട്ര വിമാനത്താവളത്തിൽ 35.5 ഡിഗ്രി സെൽഷ്യസും രേഖപ്പെടുത്തി.

ഇതിനു മുമ്പ് ഈ വർഷത്തെ ഏറ്റവും കൂടിയ താപനില 34 ഡിഗ്രി വരെയാണ് ബെംഗളൂരുവില്‍ അനുഭവപ്പെട്ടിട്ടുള്ളത്. ഇനി വരുന്ന മൂന്ന്- നാല് ദിവസവും ബെംഗളൂരുവിൽ കനത്ത ചൂട് അനുഭവപ്പെടുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ (ഐഎംഡി) മുന്നറിയിപ്പ്. ഈ ദിവസങ്ങളിൽ 35 ഡിഗ്രിക്ക് മുകളിൽ ചൂട് അനുഭവപ്പെടുവാനാണ് സാധ്യത. ഞായറാഴ്ച കൂടിയ താപനില 34 ഡിഗ്രി സെൽഷ്യസും മാർച്ച് 17 തിങ്കളാഴ്ച കൂടിയ താപനില 33 ഡിഗ്രി സെൽഷ്യസും ആയിരിക്കുമെന്ന് ഐഎംഡി അറിയിച്ചു.

TAGS: BENGALURU | TEMPERATURE
SUMMARY: Bengaluru records hottest day of the year