അഹ്മദാബാദ്-കൊല്ക്കത്ത എക്സ്പ്രസ് ട്രെയിനിലെ ശുചിമുറിയില് നിന്ന് യുവാവിന്റെ മൃതദേഹം കണ്ടെത്തി. ഒരു യാത്രക്കാരനാണ് ശുചിമുറിയില് നിന്ന് മൃതദേഹം കണ്ടെത്തിയത്. ട്രെയിനിന്റെ പിൻഭാഗത്തുള്ള ജനറല് കോച്ചിലെ ശുചിമുറിയില് നിന്നാണ് മൃതദേഹം കണ്ടെത്തിയത്.
ട്രെയിൻ ബിന ജംഗ്ഷൻ കടന്ന് സാഗറില് എത്തുന്നതിന് മുമ്പ് ഒരു യാത്രക്കാരൻ ശുചിമുറി ഉപയോഗിക്കാൻ ശ്രമിച്ചപ്പോഴായിരുന്നു അകത്ത് മൃതദേഹം കണ്ടെത്തിയത്. വിവരം ഉടൻ ടിടിഇയെ അറിയിച്ചു. ടിടിഇ സംഭവം ട്രെയിൻ മാനേജർക്കും സംസ്ഥാന റെയില്വേ പോലിസിലും റിപ്പോർട്ട് ചെയ്തു.
ട്രെയിൻ സാഗർ സ്റ്റേഷനില് എത്തിയപ്പോള്, സംസ്ഥാന റെയില്വേ പോലിസും റെയില്വേ സംരക്ഷണ സേനയും കോച്ചില് പരിശോധന നടത്തി. മൃതദേഹം ട്രെയിനില് നിന്ന് ഇറക്കിയ ശേഷം ഫോറൻസിക് ടീം തെളിവുകള് ശേഖരിച്ചു. മരിച്ചയാള്ക്ക് 30-35 വയസ് പ്രായം വരുമെന്ന് കണ്ടെത്തി. എന്നാല്, ഇതുവരെ മൃതദേഹം, തിരിച്ചറിയാൻ കഴിഞ്ഞിട്ടില്ല. മൃതദേഹം പരിശോധിച്ചപ്പോള് തിരിച്ചറിയല് രേഖകളോ യാത്രാ ടിക്കറ്റോ ലഭിച്ചിട്ടില്ലെന്ന് പോലിസ് പറയുന്നു.
TAGS : LATEST NEWS
SUMMARY : Body of young man found in train toilet
