കണ്ണൂര്: ദീര്ഘകാലം വാര്ത്തകളില് നിറഞ്ഞു നിന്ന കണ്ണൂര് എടാട്ടിലെ ഓട്ടോ ഡ്രൈവര് ചിത്രലേഖ (48)അന്തരിച്ചു. അര്ബുദബാധയെ തുടര്ന്ന് ചികിത്സയിലായിരുന്നു.
2004ല് തന്റെ ഏക വരുമാനമായ ഓട്ടോറിക്ഷ ഓടിക്കുന്നതുമായി ബന്ധപ്പെട്ട് സിഐടിയുമായി തര്ക്കം ഉണ്ടായതിനെ തുടര്ന്നാണ് ഇവര് വാര്ത്തയില് നിറഞ്ഞത്. നിത്യവൃത്തിക്കു വേണ്ടി പയ്യന്നൂര് എടാട്ടിലും പിന്നീട് കാട്ടാമ്പള്ളിയിലും ഓട്ടോറിക്ഷ ഓടിക്കുന്നതിനിടെയാണ് ചിത്രലേഖ സിഐടിയുവുമായി ഇടയുന്നത്. ദളിത് യുവതിയായതിന്റെ പേരില് തനിക്കെതിരേ നടക്കുന്ന തൊഴില് നിഷേധത്തിനെതിരേ തുറന്നപോരാട്ടമാണ് പിന്നീട് ചിത്രലേഖ നയിച്ചത്. നിരവധി തവണ സിഐടിയു പ്രവര്ത്തകരില് നിന്ന് ആക്രമണവും പരിഹാസവും ചിത്രലേഖയ്ക്കു നേരിടേണ്ടി വന്നിരുന്നു. 2005ലും 2023ലും ചിത്രലേഖലയുടെ ഓട്ടോറിക്ഷക്ക് തീയിട്ടിരുന്നു.
ഞായറാഴ്ച രാവിലെ 10.30ഓടെ പയ്യാമ്പലം കടപ്പുറത്താണ് സംസ്കാര ചടങ്ങുകള് നടക്കുക. മക്കള്: മനു, ലേഖ
<BR>
TAGS : KANNUR
SUMMARY : Chitralekha passed away
