ക്ഷേത്രത്തിലെ ഗേറ്റ് ദേഹത്ത് വീണ് അഞ്ച് വയസുകാരൻ മരിച്ചു

ബെംഗളൂരു: ക്ഷേത്രത്തിന്റെ ഇരുമ്പ് ഗേറ്റ് ദേഹത്ത് വീണ് അഞ്ച് വയസുകാരൻ മരിച്ചു ശ്രീരംഗപട്ടണ താലൂക്കിലെ ഹുഞ്ജനകെരെ ഗ്രാമത്തിലാണ് സംഭവം. ജിഷ്ണുവാണ് മരിച്ചത്. കാർത്തിക തിങ്കൾ പ്രമാണിച്ച് വൈകുന്നേരം കുടുംബാംഗങ്ങൾക്കൊപ്പം ചെന്നകേശവ ക്ഷേത്രത്തിലേക്ക് പോയതായിരുന്നു ജിഷ്ണു.

ക്ഷേത്രത്തിന് സമീപം കളിക്കുന്നതിനിടെ ഗേറ്റ് കുട്ടിയുടെ ദേഹത്തേക്ക് വീഴുകയായിരുന്നു. മാതാപിതാക്കൾ ഉടൻ തന്നെ മാണ്ഡ്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ (മിംസ്) ജിഷ്ണുവിനെ എത്തിച്ചെങ്കിലും ജീവൻ രക്ഷിക്കാനായില്ല. പലതവണ ക്ഷേത്ര കമ്മിറ്റിയോട് പരാതിപ്പെട്ടിട്ടും ഗേറ്റ് ശരിയാക്കിയിട്ടില്ലെന്ന് നാട്ടുകാർ ആരോപിച്ചു. സംഭവത്തിൽ ക്ഷേത്ര ഭാരവാഹികൾക്കെതിരെ വിഷ്ണുവിന്റെ രക്ഷിതാക്കൾ പരാതി നൽകി.

TAGS: KARNATAKA | DEATH
SUMMARY: Five-year-old boy dies after temple gate falls on him