ബെംഗളൂരു: ബൈക്ക് നിയന്ത്രണം വിട്ട് മരത്തിലിടിച്ച് ഫ്ലൈറ്റ് അറ്റൻഡൻ്റായി ജോലി ചെയ്തിരുന്ന യുവാവ് മരിച്ചു. ആർആർ നഗർ സ്വദേശിയും ഹോങ്കോംഗ് ആസ്ഥാനമായുള്ള എയർലൈൻസ് ജീവനക്കാരനുമായ പ്രഖ്യാത് (26) ആണ് മരിച്ചത്. വ്യാഴാഴ്ച പുലർച്ചെ മൈസൂരു റോഡിലാണ് അപകടമുണ്ടായത്.
പുലർച്ചെ ഒരു മണിയോടെ സുഹൃത്തിനെ കണ്ട് ബൈക്കിൽ വീട്ടിലേക്ക് മടങ്ങുകയായിരുന്നു പ്രഖ്യാത്. ഇതിനിടെ ബൈക്ക് നിയന്ത്രണം വിട്ട് ബിഎസ്എൻഎൽ ഓഫീസിന് എതിർവശത്തുള്ള മരത്തിലിടിക്കുകയായിരുന്നു. തലയ്ക്ക് ഗുരുതരമായി പരുക്കേറ്റ ഇയാളെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ കെംഗേരി ട്രാഫിക് പോലീസ് കേസെടുത്തു.
TAGS: BENGALURU | ACCIDENT
SUMMARY: Flight attendant dies in road accident
