ബെംഗളൂരു: സംസ്ഥാനത്ത് അടുത്ത മൂന്ന് ദിവസത്തേക്ക് ശക്തമായ മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. 13 ജില്ലകളിൽ ഐഎംഡി ഓറഞ്ച് അലർട്ട് പ്രഖ്യാപിച്ചിട്ടുണ്ട്. ഉത്തര കന്നഡ, ഉഡുപ്പി, ദക്ഷിണ കന്നഡ, ബിദർ, കലബുർഗി, യാദ്ഗിർ, റായ്ച്ചൂർ, ബെള്ളാരി, വിജയപുര, ഗദഗ്, ബാഗൽകോട്ട്, ശിവമൊഗ, ചിക്കമഗളൂരു ഉൾപ്പെടെയുള്ള ജില്ലകളിലാണ് ഓറഞ്ച് അലർട്ട് പ്രഖ്യാപിച്ചത്. സെപ്റ്റംബർ നാല് വരെ തീരദേശ കർണാടകയിലെ ജില്ലകളിൽ വ്യാപകമായ മഴ തുടരുമെന്ന് ഐഎംഡി അറിയിച്ചു. കർണാടക തീരത്ത് 55 കിലോമീറ്റർ വേഗതയിൽ കാറ്റ് വീശാൻ സാധ്യതയുണ്ടെന്നും മത്സ്യത്തൊഴിലാളികൾ ജാഗ്രത പാലിക്കണമെന്നും മുന്നറിയിപ്പ് നൽകിയിട്ടുണ്ട്.
അടുത്ത 24 മണിക്കൂറിനുള്ളിൽ ബെംഗളൂരു നഗരത്തിലും പരിസര പ്രദേശങ്ങളിലും മിതമായ മഴയ്ക്ക് സാധ്യതയുണ്ട്. കാറ്റിൻ്റെ വേഗത മണിക്കൂറിൽ 30 മുതൽ 40 കിലോമീറ്റർ വരെയായിരിക്കും. കൂടിയതും കുറഞ്ഞതുമായ താപനില യഥാക്രമം 27 ഡിഗ്രി സെൽഷ്യസും, 20 ഡിഗ്രി സെൽഷ്യസും ആയിരിക്കും.
TAGS: KARNATAKA | RAIN
SUMMARY: Widespread rain predicted in 13 districts of Karnataka, Orange alert issued
