ലബനനില് വീണ്ടും മിസൈല് ആക്രമണം നടത്തി ഇസ്രയേല്. മിസൈല് ആക്രണമത്തില് ഒരാള് മരിച്ചു. 50 പേർക്ക് പരുക്കേറ്റു. തെക്കൻ ബെയ്റൂട്ടിലെ ദഹിയയില് ആണ് ഇസ്രയേല് ആക്രമണം നടത്തിയത്. ഹിസ്ബുല്ല മേധാവി ഹസൻ നസ്റല്ലയെ ലക്ഷ്യമിട്ടായിരുന്നു മിസൈല് ആക്രമണം എന്നാണ് റിപ്പോർട്ട്.
മിസൈല് ആക്രമണത്തില് വൻസ്ഫോടനങ്ങളോടെ 4 കെട്ടിടസമുച്ചയങ്ങള് തകർന്നടിഞ്ഞു. ഹിസ്ബുല്ലയുടെ സെൻട്രല് കമാൻഡ് ആസ്ഥാനം ലക്ഷ്യമിട്ടായിരുന്നു ആക്രമണമെന്ന് ഇസ്രയേല് സൈന്യം വ്യക്തമാക്കി. സ്ഫോടനത്തിന്റെ ആഘാതത്തില് 24 കിലോമീറ്റർ അകലെയുള്ള കെട്ടിടങ്ങളും കുലുങ്ങി.
കഴിഞ്ഞ വെള്ളിയാഴ്ച, ഹിസ്ബുല്ലയുടെ മുതിർന്ന നേതാവ് ഇബ്രാഹിം ആക്വില് കൊല്ലപ്പെട്ടത് ദഹിയയില് ഇസ്രയേല് നടത്തിയ സമാനമായ ആക്രമണത്തിലാണ്. തിങ്കളാഴ്ചയ്ക്കുശേഷം ഇസ്രയേല് നടത്തിയ ആക്രമണങ്ങളില് ലബനനില് എഴുനൂറോളം പേർ കൊല്ലപ്പെട്ടതായി ആരോഗ്യമന്ത്രാലയം അറിയിച്ചു.
TAGS : MISSILE ATTACK | LEBANON | ISRAEL ATTACK
SUMMARY : Israel launches another missile attack on Lebanon: one dead
