വീണ്ടും കുതിപ്പ് തുടര്‍ന്ന് പൊന്ന്; സര്‍വകാല റെക്കോര്‍ഡില്‍ സ്വര്‍ണ വില

സർവകാല റെക്കോർഡില്‍ സ്വർണ വില. ഗ്രാമിന് 90 രൂപ വർധിച്ച്‌ 6,875 രൂപയായി. പവന് ഒറ്റയടിക്ക് 720 രൂപയാണ് കൂടിയത്. 55,000 രൂപയാണ് ഇന്നത്തെ വിപണിവില. സ്വർണവില വീണ്ടും ഉയരുകയാണ്. ഇന്നലെ പവന് 280 രൂപ വർധിച്ച്‌ 54,280 രൂപയായിരുന്നു.

രണ്ട് ദിവസം കൊണ്ട് ആയിരം രൂപയുടെ വർധനയാണ് രേഖപ്പെടുത്തിയത്. ഈ മാസത്തിന്‍റെ തുടക്കത്തില്‍ 53,000 രൂപയായിരുന്നു സ്വര്‍ണവില. 16 ദിവസത്തിനിടെ 2,000 രൂപയാണ് വര്‍ധിച്ചത്. ഓഹരി വിപണിയിലെയും അന്താരാഷ്ട്ര വിപണിയിലെയും ചലനങ്ങളാണ് സ്വര്‍ണവിലയില്‍ പ്രതിഫലിക്കുന്നത്.

TAGS : GOLD RATES | INCREASED | KERALA
SUMMARY : Gold rate is increased