ബെംഗളൂരു: കുന്ദലഹള്ളി കേരളസമാജം ഓണാഘോഷം കെ.കെ.എസ് പൊന്നോണം 2024 ‘ ബ്രൂക്ക്ഫീല്ഡ് സി.എം.ആര്.ഐ.ടി കോളേജില് നടന്നു മഹാദേവപുര മുന് എം.എല്.എ അരവിന്ദ് ലിംബാവലി മുഖ്യാതിഥിയായിരുന്നു കേരള സര്ക്കാര് പ്രിന്സിപ്പല് സെക്രട്ടറി രാജു നാരായണസ്വാമി ഐഎഎസ്, ഡിആര്ഡിഒ ശാസ്ത്രജ്ഞന് കെ അനില് കുമാര്, ഡോ. ഭാസ്കര്, സിഎംഡി, ഇഎല്വി പ്രോജക്ട്സ് എന്നിവര് വിശിഷ്ടാതിഥികളായി
സമാജത്തിലെ മുതിര്ന്ന അംഗങ്ങളെ ആദരിക്കല്, 10 ,12 ക്ലാസ്സുകളില് ഉന്നതവിജയം കരസ്ഥമാക്കിയ വിദ്യാര്ഥികളെ അനുമോദിക്കല്, മറ്റു മേഖലകളില് മികച്ച നേട്ടങ്ങള് കരസ്ഥമാക്കിയ സമാജം അംഗങ്ങളെ അനുമോദിക്കല് എന്നിവ ചടങ്ങില് നടന്നു.
ഓണസദ്യ, കലാമണ്ഡലം പ്രഭാകരന്റെ നേതൃത്വത്തില് അരങ്ങേറിയ ‘രുഗ്മണീസ്വയംവരം’ ഓട്ടന് തുള്ളല്, കര്ണാടക മഹിളാ യക്ഷഗാനസംഘം അവതരിപ്പിച്ച ‘കൃഷ്ണലീല’ യക്ഷഗാന, പിന്നണിഗായകരായ ജിതിന് രാജ്, പൂര്ണശ്രീ, ജോബി ജോണ്, സ്നേഹ അശോക്, വയലിന് വിദ്വാനായ വിഷ്ണു അശോക് എന്നിവര് അവതരിപ്പിച്ച ഗാനമേള എന്നിവ ഉണ്ടായിരുന്നു.
<BR>
TAGS : ONAM -2024
