ബെംഗളൂരു: കോളേജ് വിദ്യാർഥിനിയെ ഭീഷണിപ്പെടുത്തി പണം തട്ടിയ യുവാവ് അറസ്റ്റിൽ. ബെംഗളൂരു സ്വദേശി തേജസ് (19) ആണ് പിടിയിലായത്. വിദ്യാർഥിനിയിൽ നിന്നും ഇയാൾ 3.5 ലക്ഷം രൂപ വിലമതിക്കുന്ന 75 ഗ്രാം സ്വർണമാണ് തട്ടിയെടുത്തത്.
ഇയാളുടെ സുഹൃത്തുമായി പെൺകുട്ടി കഴിഞ്ഞ രണ്ട് മാസമായി അടുപ്പത്തിലായിരുന്നു. പണവും സ്വർണവും നൽകിയില്ലെങ്കിൽ പെൺകുട്ടിയുടെയും സുഹൃത്തിന്റെയും സ്വകാര്യ ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്യുമെന്ന് പറഞ്ഞാണ് തേജസ് ഭീഷണിപ്പെടുത്തിയത്. പണം നൽകാതെ വന്നപ്പോൾ ഇയാൾ പെൺകുട്ടിയുടെ കോളേജിൽ പതിവായി എത്തി ശല്യപ്പെടുത്താൻ തുടങ്ങി. ഇതോടെയാണ് പെൺകുട്ടി പോലീസിനെ സമീപിച്ചത്.
പെൺകുട്ടിയുടെ അമ്മയാണ് സംഭവത്തിൽ സുബ്രഹ്മണ്യപുര പോലീസ് സ്റ്റേഷനിൽ പരാതി നൽകിയത്. തേജസിൽ നിന്ന് മൂന്നര ലക്ഷം രൂപ വിലമതിക്കുന്ന സ്വർണാഭരണങ്ങൾ കണ്ടെടുത്തതായി പോലീസ് പറഞ്ഞു.
TAGS: BENGALURU | ARREST
SUMMARY: Bengaluru man arrested for blackmailing college student
