ഹരിദ്വാർ: ഹരിദ്വാർ-ഡെറാഡൂൺ റെയിൽവേ ട്രാക്കിൽ ഡിറ്റണേറ്ററുകൾ സ്ഥാപിച്ചതുമായി ബന്ധപ്പെട്ട് യുവാവ് പിടിയിൽ. ഉത്തർപ്രദേശിലെ രാംപുര സ്വദേശിയായ അശോക് ആണ് പിടിയിലായത്. തീവണ്ടിയിൽ സ്ഫോടനം നടത്താനുള്ള ഗൂഢാലോചനയോടെയാണ് ഡിറ്റണേറ്ററുകൾ സ്ഥാപിച്ചതെന്ന് പോലീസ് പറഞ്ഞു.
ഞായറാഴ്ച രാത്രിയാണ് മോത്തിചൂർ റെയിൽവേ സ്റ്റേഷനടുത്തുള്ള ട്രാക്കിൽ ഡിറ്റണേറ്ററുകൾ ഉള്ളതായി വിവരം ലഭിച്ചത്. മൊറാദാബാദ് റെയിൽവേ ഡിവിഷനിലെ കൺട്രോൾ റൂമിൽ നിന്നാണ് ആർപിഎഫിന് വിവരം ലഭിച്ചത്. തുടർന്ന് അന്വേഷണ സംഘം സംഭവസ്ഥലത്തെത്തി ഡിറ്റണേറ്ററുകൾ കണ്ടെടുത്തു.
പിന്നീട് സിസിടിവി ദൃശ്യങ്ങൾ പരിശോധിച്ചപ്പോൾ റെയിൽവേ ട്രാക്കിലൂടെ ഒരാൾ സംശയാസ്പദമായി നീങ്ങുന്നത് കണ്ടെത്തി. വ്യക്തമായി പരിശോധിച്ച ശേഷമാണ് അശോകിനെ പിടികൂടിയത്. പ്രതിയിൽ നിന്ന് നിരവധി ഡിറ്റണേറ്ററുകൾ കണ്ടെടുത്തതായി പോലീസ് പറഞ്ഞു.
TAGS: NATIONAL | ARREST
SUMMARY: Man arrested for planning blast in train
