പത്ത് കോടി രൂപയുടെ മയക്കുമരുന്നുമായി നൈജീരിയൻ യുവതി പിടിയിൽ

ബെംഗളൂരു: പത്ത് കോടി രൂപ വിലമതിക്കുന്ന മയക്കുമരുന്നുമായി നൈജീരിയൻ യുവതി ബെംഗളൂരു വിമാനത്താവളത്തിൽ പിടിയിൽ. ദുബായിൽ നിന്ന് വിമാനമാർഗം ക്യാപ്സ്യൂൾ രൂപത്തിലാണ് ഇവർ മയക്കുമരുന്ന് കടത്താൻ ശ്രമിച്ചത്. രഹസ്യ വിവരത്തിന്റെ അടിസ്ഥാനത്തിൽ വിമാനത്താവളത്തിൽ വെച്ച് ഡയറക്ടറേറ്റ് ഓഫ് റവന്യൂ ഇൻ്റലിജൻസിലെ ഉദ്യോഗസ്ഥർ യുവതിയെ തടഞ്ഞുനിർത്തി പരിശോധിക്കുകയായിരുന്നു. തുടർന്ന് 10 കോടി രൂപ വിലവരുന്ന ഒരു കിലോയോളം വരുന്ന 57 ക്യാപ്‌സ്യൂളുകൾ കണ്ടെടുത്തു. സംഭവത്തിൽ എൻഡിപിഎസ് നിയമപ്രകാരം എയർപോർട്ട് പോലീസ് കേസെടുത്തു.

TAGS: BENGALURU | ARREST
SUMMARY: Nigerian women arrested for drug smuggling