ബെംഗളൂരു: സ്വകാര്യ വാട്ടർ ടാങ്കറിടിച്ച് പോലീസ് കോൺസ്റ്റബിളിന് ദാരുണാന്ത്യം. അനുഗൊണ്ടനഹള്ളി പോലീസ് സ്റ്റേഷനിൽ ജോലി ചെയ്തിരുന്ന ബെള്ളാരി സ്വദേശി ദാദാവലിയാണ് (28) മരിച്ചത്. ചന്നസാന്ദ്ര മെയിൻ റോഡിൽ കഴിഞ്ഞ ദിവസം രാത്രി 7.45 ഓടെ ദാദാവലി ഡ്യൂട്ടിക്ക് പോകുമ്പോഴായിരുന്നു അപകടം.
ഇദ്ദേഹം സഞ്ചരിച്ച ഇരുചക്രവാഹനവും വാട്ടർ ടാങ്കറും തമ്മിൽ കൂട്ടിയിടിച്ചാണ് അപകടമുണ്ടായതെന്ന് വൈറ്റ്ഫീൽഡ് പോലീസ് പറഞ്ഞു. റോഡിലേക്ക് തെറിച്ചുവീണ ദാദാവലിയുടെ മുകളിലൂടെ ടാങ്കർ പാഞ്ഞുകയറുകയായിരുന്നു. ഗുരുതരമായി പരുക്കേറ്റ ഇദ്ദേഹത്തെ വൈദേഹി ആശുപത്രിയിലേക്ക് എത്തിച്ചെങ്കിലും ജീവൻ രക്ഷിക്കാനായില്ല. ടാങ്കർ ഡ്രൈവർ വാഹനം ഉപേക്ഷിച്ച് ഓടി രക്ഷപ്പെട്ടു. സംഭവത്തിൽ ഭാരതീയ ന്യായ സംഹിതയുടെ (ബിഎൻഎസ്) വകുപ്പുകൾ പ്രകാരം പോലീസ് കേസെടുത്തു.
TAGS: BENGALURU ACCIDENT | ACCIDENT
SUMMARY: Water tanker mows down police constable in Bengaluru
