ബെംഗളൂരു: ബെംഗളൂരുവിൽ സ്വകാര്യ സ്കൂളിന് നേരെ ബോംബ് ഭീഷണി. നാഗവാരയിലെ മാന്യത ടെക് പാർക്കിന് എതിർവശത്തുള്ള ഇന്ത്യൻ പബ്ലിക് സ്കൂളിലേക്കാണ് ഭീഷണി സന്ദേശം ലഭിച്ചത്. രാവിലെ 6.57ഓടെയാണ് സ്കൂളിന്റെ ഔദ്യോഗിക ഇ-മെയിലിലേക്ക് സന്ദേശം ലഭിച്ചത്.
കാമ്പസിൽ അഞ്ച് പൈപ്പ് ബോംബുകൾ സ്ഥാപിച്ചിട്ടുണ്ടെന്നും ഉച്ചയ്ക്ക് 1.30 ഓടെ അവ പൊട്ടിത്തെറിക്കുമെന്നുമായിരുന്നു സന്ദേശം. തുടർന്ന് സ്കൂൾ അഡ്മിനിസ്ട്രേറ്റർ പത്മിനി രാഘവേന്ദ്ര നൽകിയ പരാതിയിൽ പോലീസ് സ്ഥലത്തെത്തി പരിശോധന നടത്തി. ക്യാമ്പസ് മുഴുവൻ പരിശോധിച്ചെങ്കിലും ബോംബ് കണ്ടെത്താനായില്ല. പിന്നീട് ഭീഷണി വ്യാജമാണെന്ന് പോലീസ് സ്ഥിരീകരിച്ചു. സംഭവത്തിൽ ഗോവിന്ദപുര പോലീസ് കേസെടുത്തു.
TAGS: BENGALURU | BOMB THREAT
SUMMARY: Bengaluru school near Manyata Tech Park receives hoax bomb threat email
