ബെംഗളൂരു: കടലിൽ നീന്താനിറങ്ങിയ പിയു രണ്ടാം വർഷ വിദ്യാർഥി മുങ്ങിമരിച്ചു. മുരുഡേശ്വര ബീച്ചിൽ ഞായറാഴ്ച രാവിലെയാണ് സംഭവം. ബെംഗളൂരു സ്വദേശിയും, വിദ്യാ സൗധ പിയു കോളേജിലെ വിദ്യാർഥിയുമായ ഗൗതം (17) ആണ് മരിച്ചത്.
കോളേജിൽ നിന്ന് വിനോദയാത്രയ്ക്ക് പോയ 220 വിദ്യാർഥികളുടെ സംഘത്തിലായിരുന്നു ഇരുവരും. ബീച്ചിൽ എത്തിയപ്പോൾ സുഹൃത്തുക്കൾക്കൊപ്പം ഗൗതം നീന്താൻ കടലിൽ ഇറങ്ങുകയായിരുന്നു. ഗൗതമിനെ സഹായിക്കാൻ കടലിലേക്ക് ഇറങ്ങിയ ധനുഷും ഒഴുക്കിൽപെട്ടെങ്കിലും ലൈഫ് ഗാർഡുകളും പോലീസും ഉടൻ രക്ഷപ്പെടുത്തി.
പിന്നീട് മണിക്കൂറുകൾ നീണ്ട തിരച്ചിലിനൊടുവിലാണ് ഗൗതമിന്റെ മൃതദേഹം കണ്ടെടുത്തത്. സംഭവത്തിൽ മുരുഡേശ്വർ പോലീസ് കേസെടുത്തു. വാരാന്ത്യ തിരക്ക് കണക്കിലെടുത്ത് വിനോദസഞ്ചാരികൾ കടലിൽ ഇറങ്ങുന്നത് പോലീസ് വിലക്കിയിട്ടുണ്ട്. ബീച്ചിൽ കൂടുതൽ പോലീസുകാരെയും വിന്യസിച്ചിട്ടുണ്ട്.
TAGS: KARNATAKA | DROWNED
SUMMARY: Bengaluru student drowns and dies off Murudeshwar beach
