ബെംഗളൂരു: കര്ണാടക നിയമസഭയിൽ എം.എൽ.എമാരുടെ ഉച്ചമയക്കത്തിന് ഇനി റിക്ലൈനർ കസേരകൾ (ചാരുകസേരകള്). സഭാംഗങ്ങളുടെ ഹാജർ വർധിപ്പിക്കുന്നതിന്റെ ഭാഗമായാണ് ഈ പുതിയ പദ്ധതി. നിയമസഭയിലെ വിശ്രമമുറികളിൽ 15 റിക്ലൈനർ കസേരകൾ ക്രമീകരിക്കുമെന്ന് സ്പീക്കർ പറഞ്ഞു. ഉച്ചഭക്ഷണത്തിനുശേഷം വിശ്രമിക്കാനായി പോകുന്ന സാമാജികരിൽപലരും പിന്നെ സഭയിൽ ഹാജരാകുന്നില്ല. റിക്ലൈനർ കസേരകൾ നൽകുന്നതോടെ അവർക്ക് ഇടവേളയ്ക്ക് ശേഷവും സഭാനടപടികളിൽ തുടരാൻ സാധിക്കുമെന്നാണ് സ്പീക്കറുടെ അഭിപ്രായം.
മാർച്ച് മൂന്നിന് നിയമസഭയുടെ ബജറ്റ് സമ്മേളനം ആരംഭിക്കാനിരിക്കെയാണ് നീക്കം. വർഷത്തിൽ മൂന്ന് തവണ മാത്രമേ റിക്ലൈനറുകളുടെ ആവശ്യമുള്ളു എന്നതിനാൽ സർക്കാർ ഇത് വാങ്ങുകയല്ല പകരം വാടകയ്ക്ക് എടുക്കാനാണ് തീരുമാനമെന്നും നിയമസഭാ നടപടികളിൽ അംഗങ്ങളുടെ പങ്കാളിത്തം വർദ്ധിപ്പിക്കുന്നതിനായി പ്രഭാതഭക്ഷണവും ഉച്ചഭക്ഷണവും ഇതിനോടകം ക്രമീകരിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.
കഴിഞ്ഞ ജൂലായിലെ നിയമസഭാസമ്മേളനത്തിൽ സ്പീക്കർക്ക് വിശ്രമിക്കാൻ സഭയിൽ ചാരുകസേര സജ്ജീകരിച്ചിരുന്നു.
<br>
TAGS ; KARNATAKA | U T KHADER
SUMMARY : Recliner chairs are now available for MLAs to sleep and rest in the Legislative Assembly
