ബെംഗളൂരു: ക്ലാസ് പരീക്ഷ തോൽക്കുമെന്ന് ഭയം കാരണം എസ്എസ്എൽസി വിദ്യാർഥി ആത്മഹത്യ ചെയ്തു. ചിത്രദുർഗ ഹോളൽകെരെ താലൂക്കിലെ രംഗപുര ഗ്രാമത്തിൽ നിന്നുള്ള പ്രജ്വൽ (15) ആണ് മരിച്ചത്. തിങ്കളാഴ്ച വൈകീട്ടോടെ വീട്ടിനുള്ളിലാണ് പ്രജ്വലിനെ തൂങ്ങിമരിച്ച നിലയിൽ കണ്ടെത്തിയത്. ഹോളൽകെരെയിലെ വാഗ്ദേവി സ്കൂളിലെ പത്താം ക്ലാസ് വിദ്യാർഥിയാണ്.
വരാനിരിക്കുന്ന ക്ലാസ് പരീക്ഷയിൽ തോൽക്കുമെന്ന ഭയം കാരണമാണ് പ്രജ്വൽ ആത്മഹത്യ ചെയ്തതെന്ന് പോലീസ് പറഞ്ഞു. പരീക്ഷയിൽ തോറ്റാൽ അധ്യാപകർ തൻ്റെ മാതാപിതാക്കളെ സ്കൂളിലേക്ക് വിളിക്കുന്നതിനെയും പ്രജ്വൽ ഭയന്നിരുന്നു. സംഭവത്തിൽ ഹോളൽകെരെ പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്.
TAGS: KARNATAKA | SUICIDE
SUMMARY: SSLC student commits suicide
