ബെംഗളൂരു: സ്വയം നവീകരണത്തിലൂടെ മാത്രമെ സംസ്കാരിക നവോത്ഥാനം ഏതൊരു സമൂഹത്തിലും സാധ്യമാകൂ എന്നും ജാതിവ്യവസ്ഥ കൊടി കുത്തി വാണിരുന്ന 20 -ാം നൂറ്റാണ്ടിന്റെ ആദ്യ പകുതിയില് മതമേതായാലും മനുഷ്യന് നന്നായാല് മതി എന്ന് പറഞ്ഞതിനൊപ്പം എനിക്കു ജാതിയും മതവുമില്ല എന്ന പ്രഖ്യാപനം കൂടി നടത്തിയ പുരോഗാമിയായിരുന്ന നാരായണഗുരു എന്നും ടി.എം ശ്രീധരന് പറഞ്ഞു. തിപ്പസാന്ദ്ര ഫ്രണ്ട്സ് അസോസിയേഷന് നടത്തിയ പ്രതിമാസ സെമിനാറില് മതമേതായാലും മനുഷ്യന് നന്നായാല് മതി എന്ന ഗുരു ദര്ശനത്തെക്കുറിച്ച് സംസാരിക്കുകയായിരുന്നു അദ്ദേഹം.
സംഘടിത മതമേധാവിത്വം രാഷ്ട്രീയ സ്വാധീനശക്തിയായി വളരുന്ന പുതിയ കാലത്ത് മതമേതുമില്ലാതെ തന്നെ മനുഷ്യന് നന്നാവാനാണ് ശ്രമിക്കേണ്ടത് എന്ന് ചര്ച്ച ഉദ്ഘാടനം ചെയ്തുകൊണ്ട് തങ്കച്ചന് പന്തളം അഭിപ്രായപ്പെട്ടു. പി മോഹന്ദാസ് അധ്യക്ഷത വഹിച്ചു. തുടര്ന്ന് നടന്ന ചര്ച്ചയില് ആര്. വി ആചാരി, കെ.ആര് കിഷോര്, ഗീത, പൊന്നമ്മ ദാസ്, തങ്കമ്മ സുകുമാരന്, ആര്.വി പിള്ള, ശ്രീകണ്ഠന് നായര്, കല്പന പ്രദീപ് എന്നിവര് സംസാരിച്ചു ഇ.ആര് പ്രഹ്ളാദന് നന്ദി പറഞ്ഞു.
<BR>
TAGS : THIPPASANDRA FRIENDS ASSOCIATION
