ബെംഗളൂരു: ബെംഗളൂരുവിൽ വീണ്ടും പുള്ളിപ്പുലി സാന്നിധ്യം. നോർത്ത് സോൺ സബ് ഡിവിഷനിൽ രണ്ട് പുള്ളിപ്പുലികളുടെ സാന്നിധ്യം വനംവകുപ്പ് സ്ഥിരീകരിച്ചു. ശിവക്കോട്ടെ ഗ്രാമപഞ്ചായത്ത് പരിധിയിലും പരിസര ഗ്രാമങ്ങളിലുമായാണ് ഇവ കാണപ്പെട്ടത്. പ്രദേശത്ത് താമസിക്കുന്ന എല്ലാവരും ജാഗ്രത പാലിക്കാൻ വനം വകുപ്പ് മുന്നറിയിപ്പ് നൽകിയിട്ടുണ്ട്.
കഴിഞ്ഞ ദിവസങ്ങളായി പ്രദേശത്ത് ഉദ്യോഗസ്ഥർ രാത്രി പട്രോളിംഗ് നടത്തുന്നുണ്ടെന്നും പുലികളെ പിടികൂടാൻ കൂടുകൾ സ്ഥാപിച്ചിട്ടുണ്ടെന്നും ബെംഗളൂരു അർബൻ റേഞ്ച് റേഞ്ച് ഫോറസ്റ്റ് ഓഫീസർ ശിവപ്പ ഹൊസമാനി പറഞ്ഞു. ജനുവരി 23ന് രാത്രി രാമഗൊണ്ടനഹള്ളിയിൽ അപ്പാർട്ട്മെന്റ് പാർക്കിംഗ് ഏരിയയിൽ അലഞ്ഞുതിരിയുന്ന രണ്ട് പുള്ളിപ്പുലികളുടെ ദൃശ്യങ്ങൾ ലഭിച്ചതായും അദ്ദേഹം പറഞ്ഞു. അടുത്തിടെ ഇലക്ട്രോണിക്സ് സിറ്റിയിലും പുള്ളിപ്പുലിയെ കണ്ടിരുന്നു. എന്നാൽ ഇതിനെ പിടികൂടാൻ ദിവസങ്ങളോളം ശ്രമിച്ചെങ്കിലും ഫലമുണ്ടായിരുന്നില്ല.
TAGS: BENGALURU | LEOPARD
SUMMARY: Two Leopards spotted in Bengaluru
